WhatsApp Business: आता व्हाट्सएपवर करा शॉपिंग, दुकानदार आणि इतर व्यावसायिकांनाही चांगली संधी.

व्हाट्सअपने आपोआप डिलीट होणारे मेसेजेस, व्हाट्सअप पे आणि आता शॉपिंगसाठी इ कॉमर्स च्या धर्तीवर नवे फिचर आणले आहे.

या फीचरच्या मदतीने युजर्सना आता एखाद्या व्हाट्सअप बिझनेस वर नोंदणी असलेल्या आणि वॉट्सअप बिझनेस ऍप्प  वापरणाऱ्या व्यावसायिकांकडून थेट खरेदी करणे सहज शक्य होणार आहे. व्हाट्सअपने याआधीच आपली व्हाट्सअप पेमेंट्स ही सुविधा चालू करून युजर्सना पैसे पाठवणे किंवा स्वीकारणे हि कामे सोपी करून ग्राहक आणि व्यावसायिकांना खरेदी-विक्री प्रक्रिया सुलभ केल्या आहेत.

या नव्या फीचर नुसार आता युजर्सना एखाद्या व्यवसायाच्या नावासमोर शॉपिंगचा आयकॉन दिसेल ज्यावर टॅप केले असता आपल्याला त्या त्या व्यावसायिकाकडे असलेली उत्पादने तसेच विविध सेवांची माहिती दिसेल.

या सुविधेमुळे व्यावसायिकांनाही मोठा फायदा होणार असून व्यावसायिकांना आता ग्राहकांपर्यंत अधिक चांगल्या प्रकारे पोचणे शक्य होणार आहे. तसेच छोटे, घरून काम करणारे व्यावसायिक तसेच घरूनच फोनवर किंवा ऑनलाईन ऑर्डर्स घेऊन विक्री करणारे व्यावसायिक यांना घरबसल्या जास्तीत जात ग्राहकांकडे पोचणे सहज शक्य होणार आहे.

ग्राहकांना यासाठी काहीही विशेष करायचे नसले तरी व्यावसायिकांना मात्र या सुविधेचा जास्तीत जास्त लाभ घेण्यासाठी काही गोष्टी नक्की कराव्या लागणार आहेत. यासाठी आपण पुढील बाबींची माहिती घेणे आवश्यक आहे.

Read Also:

आता पैसे पाठवता येणार व्हॅट्सऍपवरून. लवकरच सुरु होतंय WhatsApp Payments.

आता व्हॅट्सऍपवर देखील करता येतील आपोआप डिलीट होणारे मेसेज‘Disappearing Messeges’. पहा पूर्ण प्रक्रिया.

1. प्रथमतः व्यावसायिकांनी व्हाट्सअप बिझनेस(Whatsapp Business) हे अप्प आपल्या स्मार्टफोनमध्ये इन्स्टॉल करणे आवश्यक आहे. आपल्या फोनमध्ये आधीच व्हाट्सअप असले तरीही हे ऍप इंस्टाल होऊ शकते. आपण यासाठी आपल्या आधीच्या व्हाट्सअप क्रमांकापेक्षा वेगळा मोबाईल क्रमांक वापरणे गरजेचे आहे.
2. मोबाईल क्रमांक आणि ओटीपी टाकल्यानंतर आपण आपल्या व्यवसायाचे नाव, त्याचा प्रकार यांची माहिती भरायची आहे.
3. पुढली पायरी म्हणजे आपले प्रॉडक्ट कॅटलॉग(Catalogue) तयार करणे. आपण आपल्या व्यवसायामार्फत देत असलेल्या सेवा किंवा विकत असलेल्या उत्पादनाचे फोटो कॅटलॉग मध्ये अपलोड करू शकता. तसेच या सेवा किंवा उत्पादनांच्या किमतीही देऊ शकता.
4. आता आपण पाहूया कि आपली उत्पादने किंवा सेवा व्हाट्सअप बिझनेसवर कश्या दाखवाव्यात. 
5. नेहमीच्या व्हाट्सअप प्रमाणे आपल्याला चॅट विंडो दिसेल. त्यात उजव्या बाजूला वरच्या कोपऱ्यात असलेल्या तीन पर्यायांच्या बटनावर टॅप करा. 
6. आता समोर आलेल्या पर्यायांपैकी पहिलाच पर्याय बिझनेस टूल्स(Business tools) निवडा. 
7. आता दुसरा पर्याय कॅटलॉग निवडा आणि हिरव्या रंगात दिसणाऱ्या + या बटनावर टॅप करा. 
8. समोर आलेल्या विंडोमध्ये आपल्या उत्पादनाचे/ सेवेचे नाव, किंमत भरा. अधिक माहिती भरायची असल्यास मोअर फिल्ड्स(More Fields) या पर्यायावर टॅप करून आपण उत्पादनाचे/ सेवेचे अधिक तपशील देऊ शकता.
9. आपल्या उत्पादनाचे/ सेवेचे फोटो असल्यास ते फोटो फोनच्या गॅलरी मधून निवडून अपलोड करू शकता.
10. सेव्ह या पर्यायावर क्लिक करून आपण वरील प्रक्रिया पुन्हा करून आणखी उत्पादनाचे/ सेवेचे कॅटलॉग बनवू शकता आणि ग्राहकांना पाठवू शकता.
11. आता कुठलाही युजर ज्याच्याकडे तुमचा मोबाईल क्रमांक सेव्ह असेल, तो तुमचे प्रॉडक्ट कॅटलॉग बघू शकेल आणि तुमच्याशी व्यवहार करू शकेल. तसेच, ग्राहक जेव्हा आपला कॉन्टॅक्ट उघडतील तेव्हा त्यांना आपल्या व्यवसायाच्या नावापुढे स्टोअर आयकॉन दिसेल आणि त्यावर टॅप केल्यावर त्यांना आपले उत्पादनाचे/ सेवेचे कॅटलॉग दिसतील. त्यांना थेट रिप्लाय करून ग्राहक आपल्याशी संपर्क साधू शकतील.
12. त्याचबरोबर, आपण आपल्या व्हाट्सअपवर आता आर्थिक व्यवहारही करू शकाल. याविषयी अधिक माहिती जाणून घेण्यासाठी आपण कृपया इथे क्लिक करा.

अधिक माहितीसाठी आपण खालील व्हिडीओ पाहू शकता. किंवा इथे क्लिक करू शकता.

The post WhatsApp Business: आता व्हाट्सएपवर करा शॉपिंग, दुकानदार आणि इतर व्यावसायिकांनाही चांगली संधी. first appeared on stepupmarathi.

from WordPress https://ift.tt/38FwJpu
via IFTTT

आता पैसे पाठवता येणार व्हॅट्सऍपवरून. लवकरच सुरु होतंय WhatsApp Payments.

खूप अडथळ्यानंतर एकदाचे व्हाट्सएपच्या पेमेंट( WhatsApp Payments) सुविधेची सुरुवात आता भारतात होणार आहे. आजच व्हाट्सअप आणि फेसबुकचे सीईओ मार्क झुकरबर्ग यांनी याबद्दल घोषणा केली आहे.

व्हाट्सअपने यासाठी National Payments Corporation of India (NPCI) शी संलग्न होऊन Unified Payment Interface (UPI) आधारित वर आधारित पेमेंट सिस्टम चालू केली आहे. यामुळे आता केवळ व्हाट्सअप वापरून आपण भारतातील जवळजवळ  160 बॅंकांमधील खात्यात व्यवहार करणे शक्य होणारआहे.

या सुविधेचा वापर करण्यासाठी आपल्याकडे स्वतःचे बँक खाते तसेच डेबिट कार्ड असणे आवश्यक आहे. ही सुविधा राबवण्यासाठी भारतातील चार आघाडीच्या बँका(ICICI Bank, HDFC Bank, Axis Bank, the State Bank of India) तसेच Jio Payments Bank बरोबर काम सुरु केले आहे.

व्हाट्सएपच्या इतर सुविधांप्रमाणे हि सुविधाही अत्यन्त सुरक्षित असल्याचे वक्तव्य यात व्हाट्सअपने केले आहे. तसेच यामुळे भारताच्या ग्रामीण भागातही सामान्य माणसांना आर्थिक व्यवहार करणे आता सोपे जाईल असा विश्वास व्हॅट्सऍपला वाटतो.

तूर्तास सगळ्याच युजर्सना हे अपडेट आले नसले तरी लवकरच भारतभर सर्व व्हाट्सअप युजर्सना ही सुविधा वापरणे जमणार आहे.

या सुविधेद्वारे पैसे पाठवण्यासाठी आपल्याला खालील पद्धतीचा वापर करावा लागेल.

• व्हॅट्सऍपवर पर्याय (More Options) साठी वापरल्या जाणाऱ्या तीन डॉट्सच्या आयकॉनवर टॅप करा.

• आता Settings > Payments > Add new account असे पर्याय निवडत पुढे आलेल्या नियम व अटी मान्य करा.

• पुढे आलेल्या यादीमधून आपली बँक निवडा.

• पुढे Verify via SMS या पर्यायाला टॅप करा. कदाचित व्हाट्सअप तुम्हाला व्हाट्सअप कॉल व एसेमेस साठी परवानगी मागेल तिथे Allow हा पर्याय निवडा.

• तुमच्या मोबाईल क्रमांकाशी संलग्न असलेल्या बँक खात्यांपैकी हवे ते खाते निवडा.

• झालं तुमचं बँक खातं व्हाट्सअप पेमेंटशी संलग्न. आता तुम्ही व्हाट्सएपच्या माध्यमातून या खात्यातून पैसे पाठवू शकता किंवा पैसे स्वीकारू शकता.

आता पाहूया आपण व्हाट्सअपने पैसे कसे पाठवू शकतो.

• सर्वप्रथम आपल्याला ज्या व्यक्तीला पैसे पाठवायचे आहेत त्या व्यक्तीचे चॅट उघडा

• मेसेज बॉक्समध्ये असलेल्या अटॅच बटनावर टॅप करा.

• यात ‘पेमेंट’ नावाचा नवीन पर्याय दिसेल, त्यावर टॅप करा.

• आता तुम्हाला जेवढी रक्कम पाठवायची आहे तेवढी रक्कम भरा. आणि ओके बटनावर टॅप करा.

• तुम्हाला तुमचा UPI पिन क्रमांक विचारला जाईल. हा क्रमांक प्रविष्ट करा.

• तुमचा व्यवहार पूर्ण झाला कि लगेच तुम्हाला त्यासंबंधी मेसेज येईल.

अधीक माहितीसाठी आपण पुढील व्हिडीओ पाहू शकता.

याबाबतीत एक महत्वाची गोष्ट म्हणजे तुम्हाला तुमचा UPI पिन कोणालाही सांगायचा नाहीये हे लक्षात असुद्या. तसेच आपले डेबिट कार्डचे तपशीलही कोणाला कळणार नाहीत याची काळजी घेणे अत्यंत आवश्यक आहे. या दोन गोष्टींची काळजी घेतल्यास व्हॅट्सऍपद्वारे आपल्याला सुरक्षितपणे आर्थिक व्यवहार करणे सोपे होईल.

Read Also:

आता व्हॅट्सऍपवर देखील करता येतील आपोआप डिलीट होणारे मेसेज‘Disappearing Messeges’. पहा पूर्ण प्रक्रिया.

मायक्रोमॅक्स in सीरिजचे दोन दमदार फोन लॉन्च.

The post आता पैसे पाठवता येणार व्हॅट्सऍपवरून. लवकरच सुरु होतंय WhatsApp Payments. first appeared on stepupmarathi.

from WordPress https://ift.tt/3oZE3Sq
via IFTTT

आता व्हॅट्सऍपवर देखील करता येतील आपोआप डिलीट होणारे मेसेज‘Disappearing Messeges’. पहा पूर्ण प्रक्रिया.

व्हाट्सएपच्या आपोआप डीलीट होणाऱ्या मेसेजचे‘(Disappearing Messeges) फिचर लवकरच चालू होत आहे. या महिन्याच्या शेवटपर्यंत हे फिचर सर्व युजर्सपर्यंत पोचलेले असेल. 

हे मेसेज सात दिवसांपर्यंत आपल्या फोनमध्ये रहातील, त्यानंतर अपोआप डिलीट होतील. हे फिचर वयक्तिक चॅट तसेच ग्रुप चॅट साठीही उपलब्ध असेल.

चला तर जाणून घेऊयात या सुविधेबाबत अधिक माहिती:

• एकदा का ‘Disappearing Messeges’ हे फिचर चालू केले कि त्यानंतर पाठवले जाणारे मेसेजेस हे सात दिवसानंतर डिलीट व्हायला सुरुवात होईल. हे फिचर आपल्याला प्रत्येक कॉन्टॅक्ट किंवा ग्रुपसाठी स्वतंत्रपणे चालू/बंद करता येईल.
• यामध्ये फोटो, व्हिडीओ आणि ऑडिओचंही समावेश असेल. पण, स्क्रिनशॉट काढणे किंवा कॉपी करणे यापासून बचावासाठी तूर्तास तरी काही सुविधा नाहीये. 
• तसेच, ऑटो डाउनलोड केलेल्या मीडिया फाईल्स डिलीट होणार नाहीत.
• जेव्हा आपण एखाद्या मेसेजला रिप्लाय करतो, तेव्हा तो मेसेज आपल्याला कोट मध्ये दिसतो त्याप्रमाणेच ‘Disappearing Messeges’ सात दिवसांनंतरही कोटच्या स्वरूपात दिसू शकतात. 
• जर एखाद्या युजरने आपल्या व्हाट्सअप चॅटचे बॅकप घेतले असेल तर ‘Disappearing Messeges’ तसेच राहून जेव्हा तो युजर आपले चॅट पुन्हा रिस्टोर करेल तेव्हा सात दिवस पूर्ण झाल्यावर निघून जातील.

‘Disappearing Messeges’ कसे पाठवावेत?

1. आपल्या चॅट विंडोमध्ये जाऊन आपल्याला हव्या त्या चॅटवर टॅप करा.
2. चॅट कॉन्टॅक्टच्या नावावर टॅप करा.
3. नावाखालील पर्यायांपैकी ‘Disappearing Messeges’ या पर्यायावर टॅप करा.
4. आता ऑन पर्यायावर टॅप करा.

यापुढे आपण या कॉन्टॅक्टला पाठवलेले मेसेज हे सात दिवसांनी आपोआप निघून गेलेले असतील. 

एखाद्या व्हाट्सअप ग्रुपच्या बाबतीतही याच प्रक्रियेने आपण ‘Disappearing Messeges’ चालू किंवा बंद करू शकता. अर्थात, ग्रुपवर ही सुविधा चालू करण्यासाठी आपण ग्रुप ऍडमिन असणे आवश्यक आहे.

अधिक माहितीसाठी आपण खालील व्हिडीओ पाहू शकता.

Read Also:

मायक्रोमॅक्स in सीरिजचे दोन दमदार फोन लॉन्च.

10 Reasons Why You Should Buy Adobe Photoshop (and not use the cracked one!)

The post आता व्हॅट्सऍपवर देखील करता येतील आपोआप डिलीट होणारे मेसेज‘Disappearing Messeges’. पहा पूर्ण प्रक्रिया. first appeared on stepupmarathi.

from WordPress https://ift.tt/357DgHn
via IFTTT

मायक्रोमॅक्स in सीरिजचे दोन दमदार फोन लॉन्च.

मायक्रोमॅक्स या एकेकाळच्या लोकप्रिय भारतीय भारतीय ब्रॅण्डने पुन्हा एकदा चिनी कंपन्यांना पछाडण्याचा संकल्प करत भारतीय बाजारपेठेत पुनरागमन करण्याचे ठरवले आहे. मागची जवळजवळ चार वर्षे भारतीय बाजारपेठेतील पिछाडीवर असलेली मायक्रोमॅक्स आता पुन्हा एकदा ‘in’ या नव्या नावासह जोरदार कमबॅक करत आहे.

खूप दिवसांपासून चर्चेत असलेल्या या ब्रॅण्डचे 2 नवे स्मार्टफोन्स आज लॉन्च झाले आहेत. 

सादर स्मार्टफोन्सचे मुख्य वैशिष्ट्य म्हणजे हे स्मार्टफोन्स स्टॉक अँड्रॉइड प्रणालीवर चालणार असल्याने कुठल्याही प्रकारची अनावश्यक एप्स ग्राहकांच्या माथी मारली जाणार नाहीत. ज्यांना स्टॉक अँड्रॉइड प्रणाली वापरण्यास चांगली वाटते त्यांना या ब्रँड मुळे ते आता कमी किमतीतही वापरणे सहज शक्य होणार आहे.

मायक्रोमॅक्सने आपले in 1b आणि in note 1 हे दोन मॉडेल लॉन्च केले असून आपल्या श्रेणीमध्ये अत्यंत स्पर्धात्मक किमतीत जास्तीत जास्त फीचर्सचा यात समावेश केला आहे.

in 1b

प्रोसेसर आणि रॅम:

या फोनमध्ये MTK G35 हा प्रोसेसर असून तो 2.3 गिगाहर्टझ वर काम करेल. त्याचबरोबर PowerVR GE8320 हा जीपीयू आपल्याला मिळणार असून हा फोन 2GB आणि 4GB अश्या दोन पर्यायांमध्ये उपलब्ध आहेत.

डिस्प्ले:

या फोनला 6.67 इंचाचा डिस्प्ले असून याचे रिझोल्युशन 1080×2400 (FHD+) आहे. हा डिस्प्ले 20:9 या प्रमाणात असणार आहे. 

फ्रंट कॅमेरासाठी याला मिनी ड्रॉप स्टाईल नॉच देण्यात आली आहे. 

कॅमेरा:

या फोनला मुख्य कॅमेरा हा 13 मेगापिक्सल आहे जो PDAF सह काम करील. त्याचबरोबर  2 मेगापिक्सल चा सेकंडरी कॅमेरा आहे. 

सेल्फीसाठी ८ मेगापिक्सेल सेन्सर असलेला कॅमेरा वाईड अँगलसह देण्यात आला आहे.

बॅटरी:

हा फोन 5000mAh क्षमतेच्या बॅटरीसह उपलब्ध असून या किमतीच्या इतर फोन्स मध्ये नसणारे रिव्हर्स चार्जिंग तसेच सी-टाईप चार्जिंग पोर्ट यामध्ये दिलेले आहे. त्यामुळे चार्जिंग तसेच कम्प्युटरला डेटा ट्रान्स्फर कार्यासाखी कामे जलद गतीने होणार आहेत. मुख्य म्हणजे तुम्हाला 10 Watt चे चार्जर या फोंसोबतच मिळणार आहे. एवढ्या कमी किमतीच्या फोन्स मध्ये हि वैशिष्ट्ये क्वचितच कुठला ब्रँड आतापयंत देऊ शकला आहे. 

स्टोरेज क्षमता:

हा फोन 2GB RAM+32GB तसेच 4GB RAM+64GB या दोन व्हॅरिएंट्स मध्ये उपलब्ध होणार आहे. तसेच, अधिकचे मेमरी कार्ड वापरण्यासाठी सिम ट्रे मध्ये मेमरी कार्ड साठी खास स्लॉट देण्यात आला आहे.

किंमत:

या फोनच्या बेसिक मॉडेलची किंमत रु. 6,999/- पासून सुरु होत आहे.

In note 1

प्रोसेसर आणि रॅम:

या फोनमध्ये MTK G85 हा ऑक्टाकोअर प्रोसेसर असून तो 2.0 गिगाहर्टझ वर काम करेल. त्याचबरोबर ARM G52 MC2 हा जीपीयू आपल्याला मिळणार असून हा फोन  4GB रॅमच्या पर्यायांमध्ये उपलब्ध आहे.

डिस्प्ले:

या फोनला 6.67 इंचाचा डिस्प्ले असून याचे रिझोल्युशन 1080×2400 (FHD+) आहे. हा डिस्प्ले 21:9 या प्रमाणात असणार आहे. 

फ्रंट कॅमेरासाठी याला आकर्षक अशी पंच होल स्टाईल नॉच देण्यात आली आहे. 

कॅमेरा:

या फोनला मुख्य कॅमेरा हा 48 मेगापिक्सल आहे जो PDAF सह काम करील. त्याचबरोबर  5 मेगापिक्सल चा सेकंडरी कॅमेरा आहे जो वाईड अँगल फोटो काढू शकेल. मॅक्रो फोटोग्राफीची आवड असणारांसाठी यात एक 2 मेगापिक्सलचा खास सेन्सर असून आणखी एक 2 मेगापिक्सलचा सेन्सर डेप्थ सेन्सर म्हणून काम करेल.. 

सेल्फीसाठी 16 मेगापिक्सेल सेन्सर असलेला कॅमेरा वाईड अँगलसह देण्यात आला आहे.

बॅटरी:

हा फोन 5000mAh क्षमतेच्या बॅटरीसह उपलब्ध असून या किमतीच्या इतर फोन्स मध्ये नसणारे रिव्हर्स चार्जिंग तसेच सी-टाईप चार्जिंग पोर्ट यामध्ये दिलेले आहे. त्यामुळे चार्जिंग तसेच कम्प्युटरला डेटा ट्रान्स्फर कार्यासाखी कामे जलद गतीने होणार आहेत. मुख्य म्हणजे तुम्हाला 18 Watt चे चार्जर या फोंसोबतच मिळणार आहे. एवढ्या कमी किमतीच्या फोन्स मध्ये हि वैशिष्ट्ये क्वचितच कुठला ब्रँड आतापयंत देऊ शकला आहे. 

स्टोरेज क्षमता:

हा फोन 2GB RAM+32GB तसेच 4GB RAM+64GB या दोन व्हॅरिएंट्स मध्ये उपलब्ध होणार आहे. तसेच, अधिकचे मेमरी कार्ड वापरण्यासाठी सिम ट्रे मध्ये मेमरी कार्ड साठी खास स्लॉट देण्यात आला आहे.

किंमत:

या फोनच्या बेसिक मॉडेलची किंमत रु. 10,999/- पासून सुरु होत आहे.

इतर महत्वाचे फीचर्स

या फोन्सना गूगल असिस्टंट साठी खास बटन देण्यात आले आहे. 

फिंगरप्रिंट सेन्सर मागच्या बाजूला देण्यात आला आहे.

या फोन्सना Bluetooth 5.0 सपोर्ट देण्यात आला आहे. 

फोन वापरताना काही समस्या अथवा बिघाड झाल्यास मायक्रोमॅक्स साठ मिनिटांत आवश्यक सेवा देण्याचे आश्वासन या फोनच्या बाबतीत देते. 

तसेच किमान दोन वर्षे अँड्रॉइड अपडेट्स पुरवण्याचे आश्वासनही मायक्रोमॅक्स या दोन्ही फोन्सच्या बाबतीत देत आहे. 

हे दोन्ही फोन्स एंट्री लेव्हल तसेच मिड रेंज सेगमेंट मधील इतर ब्रँड्सच्या फोन्सना नक्की टक्कर देऊ शकतील कारण एवढ्या कमी किमतीत फास्ट चार्जर, टाईप सी पोर्ट, रिव्हर्स चार्जिंग सुविधा तसेच तगडा  कॅमेरा आणि प्रोसेसर सारख्या वैशिष्टयपूर्ण बाबींसह हे फोन्स इतर प्रस्थापित ब्रॅण्ड्सच्या मानाने कमी किमतीत आपले फोन बाजारात उतरत आहेत. 

हे स्मार्टफोन्स flipkart.com या इ-कॉमर्स वेबसाईटवर खरेदीसाठी उपलब्ध असणार आहेत. आता हे स्मार्टफोन्स ग्राहकांच्या किती पसंतीस पडतात हे पाहणे रोचक ठरणार आहे. 

आशा करूया मायक्रोमॅक्सने किंमत आणि वैशिष्ट्यपूर्ण मॉडेल्स बरोबरच आपल्या आफ्टर सेल्स सर्व्हिसमध्ये सुद्धा सुधारणा केल्या  असतील. जेणेकरून ग्राहकांचा त्यांच्यावरचा विश्वास वाढवणे सोपे जाईल. 

Read also:

(Google Virtual visiting cards) गुगलने आणले डिजिटल व्हिजिटिंग कार्ड!

ASUS ROG Phone 3, एक दमदार गेमिंग फोन

The post मायक्रोमॅक्स in सीरिजचे दोन दमदार फोन लॉन्च. first appeared on stepupmarathi.

from WordPress https://ift.tt/2HVBCzO
via IFTTT

महाराष्ट्र डाक विभागामध्ये विविध 1371 रिक्तपदांसाठी भरती (मुदतवाढ)

Maharashtra Postal Recruitment 2020 : महाराष्ट्र डाक विभागामध्ये विविध 1371 रिक्तपदांसाठी भरती जाहीर झाली असून अर्ज ऑनलाईन पद्धतीने स्विकारण्यात येणार आहेत .

क्र	पद	अर्हता	पदसंख्या	वयोमर्यादा
1	पोस्टमन Postman	10th standard Pass	1029	18-27
2	मेल गार्ड Mail Guard	12th standard Pass	15	18-27
3	मल्टीटास्किंग कर्मचारी MTS (Administrative Officer)-	12th standard Pass	32	18-25
4	मल्टीटास्किंग कर्मचारी MTS (Sub Ordinate Office) –	12th standard Pass	295	18-25
	एकूण पदसंख्या		1371

फी  : UR/OBC/EWS/Trans-man.: 400/- , [SC/ ST/Woman/PWD : फी नाही

अर्ज चालू होण्याची दिनांक : 05.10.2020

अंतिम दिनांक : 1०.11.2020(मुदतवाढ)

बसाईट : येथे क्लिक करा

जाहिरात : येथे क्लिक करा

अर्ज करण्यासाठी : येथे क्लिक करा

The post महाराष्ट्र डाक विभागामध्ये विविध 1371 रिक्तपदांसाठी भरती (मुदतवाढ) first appeared on stepupmarathi.

from WordPress https://ift.tt/3oSNK4V
via IFTTT